Хуурайшилттай үед ой хээрийн түймрээс сэрэмжлүүлж байна

Өчигдар Хан-Уул дүүргийн VIII хороо, Богдхан уулын “Соёмботой” уул шатаж, нийслэлийн Онцгой байдлын газрын 18 алба хаагч шуурхай ажиллаж галыг бүрэн унтраасан талаарх мэдээллийг бид шуурхай хүргэсэн.

Одоогоор галын шалтгаан тодорхойгүй байгаа аж. Хаврын хуурайшилттай, салхи шуургатай үед иргэдийн санамсар болгоомжгүй үйлдлээс шалтгаалан шар өвс шатаасны улмаас гарах гал түймрийн дуудлага ихэсч байна.

Тиймээс хуурайшилт ихтэй энэ үед иргэдийг тамхины иш, шүдэнзээ унтраалгүй хаяхгүй байхыг нийслэлийн Онцгой байдлын албанаас сэрэмжлүүлж байна.