Цахим худалдаа хийхдээ найдвартай түнштэй харьцахыг зөвлөв

"COVID-19"  цар тахлаас сэргийлэхээр улсын хилийг түр хаасны дараа иргэд гадаад улсаас цахим худалдаа хийх нь нэмэгджээ.

Үүний улмаар цахимаар хуурамч худалдааны гэрээ байгуулах, урьдчилгаа мөнгө авах, цахимаар захиалсан барааг нь хүргэж өгөхгүй байх зэргээр иргэдийг залилах тохиолдол гарч байгааг ГХЯ-ны Консулын газраас анхаарууллаа. Иймд Тайланд, Индонез зэрэг улсаас цахим худалдан авалт хийх тохиолдолд сонор сэрэмжтэй байж, зөвхөн найдвартай түнштэй харилцаж байхыг ГХЯ-наас иргэн, аж ахуйн нэгжүүдэд зөвлөв.