Өнгөрсөн сард ХДХВ/ДОХ-ын таван тохиолдол илэрчээ

Улсын хэмжээнд халдварт өвчнөөр өвчлөгчид 2020 оны эхний есөн сард 24.8 мянга болж, өмнөх оны мөн үеэс 23.3%-р буурсанболохыг Үндэсний статистикийн хорооноос мэдээллээ. 

Ийнхүү буурахад, 

• Салхин цэцгээр өвчлөгчид 74.4%-аар
• Цусан суулгаар өвчлөгчид 47.9%-аар
• Гар, хөл, амны өвчнөөр өвчлөгчид 45.5%-аар
• Сүрьеэгээр өвчлөгчид 4.9%-аар буурсан нь голлон нөлөөлсөн аж. 

Халдварт өвчнөөр өвчлөгчдийг халдварын замын төрлөөр авч үзэхэд энэ оны есдүгээр сарын байдлаар бэлгийн замаар дамжих халдварын тохиолдол 1304 болж, өмнөх сараас 1.7%-аар буурсан байна. 

Харин дараах халдварын замын төрөл өсжээ. Үүнд, 

• Цусаар дамжих халдварын тохиолдол 22 болж, 22.2%-аар
• Гэдэсний халдварт өвчин 329 болж, 2.8%-аар,
• Амьсгалын замаар дамжих халдварын тохиолдол 626 болж, 43.6%-аар 

Мөн улсын хэмжээнд 2020 оны есдүгээр сард ХДХВ/ДОХ-ын таван тохиолдол илэрч, нийт тохиолдол 302 болжээ.