Богд уул руу гарахад том хүн 300 төгрөгийн хураамж төлнө

Нийслэлчүүд гол төлөв амралтын өдрөөр цэвэр агаар амьсгалахаар зорьдог газруудын нэг болох Богдхан уул руу гарахад монгол иргэн 300 төгрөг, гадаад иргэн 3000 төгрөг төлдөг болжээ.

Богдхан уулын гурван аманд нийт 29 байгаль хамгаалагч ажилладаг байна. Жилийн дөрвөн улиралд хүний хөл тасардаггүй тус газар элэгдэж моддын үндэс цухуйн, хүмүүс замаас хазайн ил задгай бие засдаг үзэгдэл их гардаг аж.

Тиймээс иргэдээс авах хураамжийг богд уулын аяллын замын тохижилт, камержуулалт, био жорлон хийхэд зарцуулах юм байна.