Баян-Өлгий аймгийн Засаг даргад Д.Бауыржаныг дэвшүүлэв

Баян-Өлгий аймгийн ИТХ-ын анхдугаар хуралдаан өчигдөр боллоо. Анхдугаар хуралдаанаар аймгийн ИТХ-д шинээр сонгогдсон төлөөлөгчдийн бүрэн эрхийг хүлээн зөвшөөрөх, ИТХ-ын даргыг сонгож батлах, аймгийн Засаг даргад нэр дэвшүүлэх, ИТХ-ын тэргүүлэгчдийн сонгох зэрэг асуудлыг хэлэлцэж баталжээ.

Аймгийн ИТХ-ын даргаар Монгол улсын гавьяат эдийн засагч  Н.Бейбитханыг  сонгож батламжиллаа. Харин аймгийн Засаг даргад МАН-аас 2016-2020 оны хооронд аймгийн ИТХ-ын даргаар ажилласан, МАН-ын хорооны дарга Д.Бауыржан,  Ардчилсан намаас  Ш.Жандос  нар өөрсдийн нэрийг тус тус дэвшүүлж, аймгийн ИТХ-ын төлөөлөгч Ш.Жандос хуралдааны явцад нэрээ татсанаар Д.Бауыржаныг 39 төлөөлөгчийн 100%-ийн саналаар аймгийн Засаг даргад дэмжлээ.

Ийнхүү аймгийн ИТХ-ын дарга асан Д.Бауыржан  аймгийн ИТХ-ын төлөөлөгчдийн 100 хувийн саналыг авснаар түүний нэрийг Баян-Өлгий аймгийн Засаг даргад  батлуулахаар Монгол улсын Ерөнхий сайдад өргөн мэдүүлэхээр боллоо.

Хуралдаанд МАН-аас 23, АН-аас 15, МАХН-аас 1, нийтдээ 39 төлөөлөгч 100 хувийн ирцтэй оролцжээ. 

Д.Бауыржаны намтар 

• 1984 - 1994 он Дэлүүн сумын Бүрэн дунд сургууль
• 1994 - 1997 он ШУТИС-ийг  Авто инженер
• 1997 - 1999 он ШУТИС-ийг Техникийн ухааны магистр
• 2009 - 2011 он Удирдлагын академийг Төрийн Удирдлага чиглэлээр тус тус төгссөн. 

Ажлын туршлага 

• 2016 - 2000 он Аймгийн ИТХ-ын дарга

Гадаад хэл

• Англи, Орос, Хятад хэл