Улстөрчид ДНБ-ий 7.6 хувьтай тэнцэх хөрөнгө эзэмшиж байна

"The Mongolist” цахим хуудсын блогт тэмдэглэснээс үзэхэд Монголын топ улстөрчдийн хөрөнгийн хэмжээ улс орных нь эдийн засгийн хөгжлөөс ч хурдан үржих болсон байна. 2012 оны хөрөнгө, орлогын мэдүүлэгт дурдсанаар Парламентын одоогийн гишүүд нийт 1.1 их наяд төгрөг буюу 785 сая ам.долларын өмч хөрөнгө эзэмшиж буй аж.

Үүнд УИХ-ын 74 гишүүн хөрөнгө, орлогын мэдүүлгээ танилцуулснаас хөрөнгөөрөө толгой цохих дөрвөн эрхмийн өмч л гэхэд дээр дурдагдсан хөрөнгийн 64 хувь болж байгаа гэнэ. Гурав хүрэхгүй сая хүн амтай Монгол Улсын удирдагчдын хөрөнгө нь ДНБ-ийх нь 7.6 хувьтай тэнцэж буй аж.

Б.Тэмүүлэн