Д.Оюунхорол өөрийн хүсэлтээр ажлаа өгнө

МАН-ын дэргэдэх Нийгмийн ардчилсан Монголын Эмэгтэйчүүдийн холбооны хуралдаан эхэллээ. Хурлаар өнгөрсөн жилийн тайлан илтгэл, зохион байгуулалтын асуудал дүрмийн өөрчлөлтийн талаар ярих юм.
Зургадугаар чуулганаар хэлэлцэх гол асуудал нь шинэ Ерөнхийлөгчөө сонгох асуудал юм. НАМЭХ-ны Ерөнхийлөгчөөр УИХ-ын гишүүн, МАН-ын бүлгийн дэд дарга Д.Оюунхорол ажиллаж байсан бөгөөд өөрийн хүсэлтээр Ерөнхийлөгчийн ажлаа хүлээлгэж өгөхөөр болоод байгаа юм. Одоогоор МАН-ын эмэгтэй гишүүдээс НАМЭХ-ны Ерөнхийлөгчид Бага хурлын гишүүн П.Анужин, Ц.Цогзолмаа нарын нэр яригдаж байгаа юм.

Б.Тэмүүлэн