МАН-ын бүлэг сайд нарт хариуцлага тооцохоор болжээ

Өнөөдрийн 16.00 цагт ээлжит бус хуралдаанаараа МАН-ын бүлэг Засгийн газар болон зарим сайд нарт хариуцлага тооцох асуудлаар хуралдах юм байна. Тухайлбал, Уул уурхайн сайд Д.Ганхуяг, Эдийн засгийн хөгжлийн сайд Н.Батбаяр болон Ерөнхий сайдыг огцруулах асуудлыг хэлэлцэхээр болсон байна.

Учир нь 10 хоногийн өмнө хариуцлагагүй ажиллаж байгаа сайд болон албан хаагчдад хариуцлага тооцох шаардлагыгЕрөнхий сайдад гардуулсан. Энэ 10 хоногийн хугацаанд Ерөнхий сайд хариуцлагын асуудал яриагүй учраас ийнхүү МАН-ын бүлгийн зүгээс хариуцлага тооцох асуудлыг хэлэлцэхээр болсон байна.