МАН мэдээлэл хийлээ

2014 оны хаврын ээлжит чуулган завсарласантай холбогдуулан УИХ дахь МАН-ын бүлгийн дарга С.Бямбацогт, УИХ-ын гишүүн Д.Дэмбэрэл, Ж.Батсуурь нар дөнгөж сая мэдээлэл хийлээ.

УИХ-ын хаврын чуулганыг завсарлуулахын өмнө байнгын хороодын бүрэлдэхүүнд өөрчлөлт оруулсан, ингэснээр цөөнхийн бүлгийн гишүүд бусад бүлгийнхээ гишүүдийн нэгэн адил хоёр хүртэл байнгын хороонд харьяалагдаж бүрэн эрхээ хэрэгжүүлэх тэгш боломжоор хангагдсан нь энэ хаврын чуулганы томоохон онцлог байсныг С.Бямбацогт дарга хэлээд үлдэж байгаа хугацаанд цөөнхийн бүлгийн гишүүд туршлагатай, тулхтай улстөрийн хүчин болохоо харуулж ажилласан. Тиймээс бүлгийн гишүүд хаврын чуулганы завсарлагааны хугацаанд амрахгүй ажиллах аж.

С.Сонор