Шаардлагыг авахгүй бол тэмцлийн дараагийн хэлбэрт шилжинэ гэв

МАН-ын Шинэчлэлийн хорооны гишүүд өчигдөр Тэд Хэлмэгдэгсэдийн хөшөөний баруун талд гэр барьж суулт зарласан.

Тэдний зорилго бол Шинэчлэлийн Засгийн газрыг буюу Ерөнхий сайд Н.Алтанхуягийг огцруулах явдал ажээ. Тиймээс өчигдөр суулт зарлаж, энэхүү асуудлаар тэднийг дэмжиж буй иргэдээс санал асуулга авч, гарын үсгийг нь цуглуулж байна.

Эдгээр үйл ажиллагааныхаа үр дүнд гарсан тодорхой шаардлагыг өнөөдөр нээлтээ хийх намрын чуулганаар холбогдох хүмүүст гардуулан өгөх юм байна. Хэрэв тус шаардлагыг хүлээж авахгүй бол тэд тэмцлийн дараагийн хэлбэрийг сонгох гэнэ.

Я.Хулан