Х.Тэмүүжингийн зөвлөх ХЗҮХ-ийн захирлаар томилогдлоо

Хууль зүйн үндэсний хүрээлэн (ХЗҮХ)-гийн захирлаар Хууль зүйн сайд Х.Тэмүүжингийн зөвлөхөөр ажиллаж байсан Х.Номингэрэл гэх эмэгтэй томилогдлоо.

Хууль зүйн сайдын 2012 оны аравдугаар сарын 30-ны тушаалаар тус хүрээлэнгийн захирал нь эрдмийн зэрэг цолтой хүн байх ёстой. Гэтэл Х.Номингэрэл 2002-2007 онд МУИС-ийн Хууль зүйн сургуулийг төгсөж, 2009-2010 онд Унгарт магистрын зэрэг хамгаалжээ. Тэрбээр МУИС-ийн Хууль зүйн сургуульд олон жил багшилсан, Иргэний эрх зүйн тэнхимийн ахлах багш, доктор Д.Хуягийн охин гэнэ.

Өмнө нь уг хүрээлэнгийн захирлаар доктор Н.Лүндэндорж ажиллаж байсан ч Монгол Улсын Ерөнхийлөгчийн зарлигаар Шүүхийн ерөнхий зөвлөлийн даргаар томилсонтой холбоотойгоор тус хүрээлэнгийн захирлын суудал эзгүйрээд байсан юм.

Б.Золбоо