УИХ-ын гишүүн Б.Ундармаад холбогдох хэргийг шүүхэд шилжүүлжээ

Шүүхийн ерөнхий зөвлөлөөс "Нээлттэй шүүх” хэвлэлийн бага хурал хийлээ.

Хурлаар Захиргааны хэргийн давж заалдах шатны шүүхээс Сонгуулийн ерөнхий хороонд холбогдох, сонгуулийн маргаантай холбоотой хэргүүд болон бие даан нэр дэвшигч Н.Номтойбаяр, АН-аас нэр дэвшиж буй Э.Бат-Үүл, МАН-аас нэр дэвшиж буй Ж.Эрдэнэбат нарын хэргийн талаар мэдээлэл өглөө. 

Нийслэлийн прокурорын газраас Эрүүгийн хуулийн тусгай ангийн 22.1 дүгээр зүйлийн 22.1-3 дахь хэсэгт заасан гэмт хэрэгт холбогдуулан УИХ-ын гишүүн Б.Ундармаад холбогдуулан яллах дүгнэлт үйлдэж ирүүлсэн зургаан хавтас бүхий Эрүүгийн хэргийг тус шүүх 2020 оны зургаадугаар сарын 8-ны өдөр хүлээн авсан байна. Одоогийн байдлаар шүүх хуралдааны тов зарлагдаагүй байгаа аж.