Д.Нямхүү: ХӨСҮТ-ийн эмчилгээнд 66 хүн байгаагаас нэг нь хүнд байна

ЭМЯ-ны ээлжит хэвлэлийн хурлын үеэр манай улсад коронавирусийн халдварын тохиолдол нэмэгдсэн эсэх талаар шинжилгээний хариуг мэдээллээ.

ХӨСҮТ-ийн захирал Д.Нямхүү "ДолООдугаар сарын 29-ний өдөр гурван лабораторид нийт 520 хүний сорьцод шинжилгээ хийхэд бүгдэд нь коронавирус илрээгүй. Үүнийг задалж танилцуулбал,

• Долдугаар сарын 15-нд Сөүл-Улаанбаатарын хоёр онгоцоор ирсэн 439 хүний хоёр дахь давтан шинжилгээ,
• ХӨСҮТ-д тусгаарлагдсан 4 хүний давтан шинжилгээ,
• Тандалтын зорилгоор хийсэн 3 хүний шинжилгээ,
• Алтанбулагаар орж ирсэн 33 жолооч,
• Сэлэнгэд тусгаарлагдсан 32 хүний давтан шинжилгээ,
• Найман эмч, эмнэлгийн ажилчдыг шинжилгээнд хамруулсан,
• Дархан-Уул аймагт тусгаарлагдсан 1 хүний давтан шинжилгээнд коронавирус илрээгүй.

Нийт батлагдсан тохиолдол 291 байгаагаас 225 нь эдгэрсэн. ХӨСҮТ-ийн эмчилгээнд 66 хүн байгаа бөгөөд өвчтөнүүдийн биеийн байдлыг үнэлж үзвэл, 62 нь хөнгөн, гурав нь хүндэвтэр, нэг нь хүнд байна" гэв.