"Голын эрэг-хяналт" арга хэмжээ зохион байгуулагдаж байна

Иргэд бага насны хүүхдийг хараа хяналтгүй гол усанд оруулах, архи, согтууруулах ундаа хэрэглэсэн үедээ голын усанд орж амиа алдах тохиолдлууд гардаг. Үүнтэй холбогдуулан Дорнод аймгийн цагдаагийн газраас "Голын эрэг-хяналт" арга хэмжээний хүрээнд голын усны түвшин ихэссэнтэй холбогдуулан өдөр тутам явган болон хөдөлгөөнт эргүүлийг хуваарийн дагуу томилон ажиллуулж, иргэдэд санамж, сэрэмжлүүлэг, зөвлөмжийг тараан ажиллаж багаа аж.

Мөн тус аймгийн Засаг даргын захирамжаар Хэрлэн голын баруун цементэн гүүрнээс зүүн цементэн гүүр хүртэлх зайг ногоон бүс болгон тогтоож голын эрэг рүү авто машинтай орохыг хориглосон тэмдэг тэмдэглэгээг байрлуулжээ. Харин иргэд тэмдэг тэмдэглэгээг зөрчин тээврийн хэрэгсэлтэй Хэрлэн голын эрэг орсон зөрчил гарсан байна.

Иймээс иргэдийг өөрсдийн аюулгүй байдлыг хангаж архи, согтууруулах ундаа хэрэглэсэн үедээ голын усанд орохгүй байх, бага насны хүүхдийг хараа хяналтгүй орхихгүй байх, тээврийн хэрэгсэлтэй ногоон бүсэд нэвтрэхгүй байхыг цагдаагийн байгууллагаас анхаарууллаа.